Hona hemen arratsaldean deskargatzen saiatu garena. Gogoan izan, kasu honetan, jolasa ez dela online, deskargatu egin behar dela baizik. Hori dela eta, utziko dizuet zuen ordenagailuetan deskargatzeko lotura.
Loturan sakatu ostean, bilatu "Download Seterra 4.0 (3.9 MB)" jartzen duen lekuan. Hortik aurrera, deskarga hasiko da eta instalatu besterik ez duzue egin behar.
Azken egun hauetan ikasitakoa berrikusteko eta osatzeko ikusi honako bideo interesgarri hau, Zumaia herri gipuzkoarrean aurki daitekeen flyscharen ingurukoa da:
Zorionez Zumaiako flyscha gertu daukagu, horregatik, hurrengo astebururako plan bat proposatzen dizuet. Noski, Zumaiara joatea!!!
Zumaian Algorri interpretazio zentrua topa dezakezue, non flyscha bisitatzeko eta ulertzeko bisita gidatuak eskaintzen dituzten.
Ez duzuela Zumaiara joateko gogorik? Ondo, badaude flyscharen inguruan ikasteko beste aukera batzuk ere:
Ez pentsa inor eskakeatuko denik, ezta pentsatu ere, urriaren 22an,
asteazkenean, sarrera honekin ikasitakoa galdetuko dizuet, bai
horixe!!!! Eta ez bilatu aitzakiarik!!!
Bueno, gutxi barru azterketa izango dugu hortaz, hurrengoko animazioa
eta galdetegia lagungarria izango direlakoan, hemen utziko dizkizuet.
Lehenago, bideo interesgarri bat, zuzen-zuzen harira joateko.
Ibaiei buruz asko dakizue dagoeneko. Hala ere, badakizue, urtero, kontu berriak azaltzen zaizkigula aurreko urteetan ikasi arren. Beraz, ekin hauei ere, mesedez, kanpoko eragileen artean, agian, gertuen daukazuen bat.
Bueno, jadanik lurraren barneko eta kanpoko geruzak argi ditugu. Geruza
hauen funtzioa eta osagaiak ere, ezagutzen ditugu. Beraz, hurrengo
pausua eman beharko dugu.
Gogoan duzue "geomorfologia" hitza?
Geo = lurra Morpho = forma
Hortaz, neuronak gehiegi astindu gabe, geomorfologia lurraren formaren inguruan aritzen den zientzia dela ondorioztatu dezakegu.
Orduan, lurra planetari forma ematen dioten eragile ezberdinak ezagutu beharko ditugu, ezta?
Gelan ikasi izan dugunez, lurraren barneko eragileak eta kanpoko
eragileak bereiz ditzakegu. Barneko eragileen artean ikusi dugun lehena
tolesdurak eta failak direnez, hemen duzue landutako animazioa eta
galdetegia.
Irakur ezazue zientzalariek argitaratu duten azken ikerketa lantzen ari garen gaiari buruz.
Ipar Atlantikoko itsas hondoaren mapa berria. Puntu gorriek 5.5 magnitudetik gorako lurrikarak adierazten dituzte
Egun hauetan ere, El Salvador eta Nikaragua herrialdeetan lurrikara baten eragina jaso dute. Endikak niri bidalitako albistearen informazioa helarazten dizuet. Bi egunkarietatik hartutako berria daukazue.
Gaurko informazioarekin amaitzeko, lurraren geruzen kontuak zabaltzen dizkizuet. Alde batetik, gure gelako txoko zurian eskegitako horma-irudia uzten dizuet. Bestetik, betikolez, Txanelaren aurkezpena zein galdetegia. Danok birpasatzeraaaaaaaaa...
Beno, ba, azterketa gainean daukagunez, aste honetan zehar, konturik garrantsitsuenekin beteko dizuet bloga, agian, azterketari aurre egiteko biderik egokienetariko bat.
Gaur egin dugun birpasaketan zehar, kontinenenteen jitoari buruz ez dugu ezer aipatu, beraz, aintzat hartu honen azalpena esaten jakitea behar-beharrezkoa dela.
Glaziarrak, haitzuloak eta lurpeko urak ikusi ditugu. Horregatik, hemen duzue glaziarren inguruko animazioa eta galdetegia. Eta, bide batez, glaziarren argazki batzuk.
Bada lan egiteko garaia, azken
oporraldia geure barnean gorde dugu dagoeneko, eta horrekin batera, epe
horretan gozatu dugun hainbat esperientzia, baita horietatik ikasi
ditugunak ere.
Beraz,
blogari eta txanelari ekingo diogu alaitasunez berriro ere.
Horretarako, hona hemen egun hauetan landu ditugun Lur planetako kontu
batzuk, besteak beste lurrikarak eta tsunamiak duten eraginari buruzkoak.
Ea errezago ikasten duzuen...
Hau irakurtzen duzuenerako sumendiak menperatuak izango dituzue, orduan,
lurrikaren animazioa eta galdetegia hemen utziko dizkizuet.